«Орыс және өзбек тілдері» кафедрасы «ЖАС ҒАЛЫМ - 2026» конференциясы аясындағы көрмеге белсене қатысты

Жұмабек Ахметұлы Тәшенов атындағы университетте жас ғалымдар мен студенттердің «ЖАС ҒАЛЫМ - 2026: БОЛАШАҚҚА КӨЗҚАРАС» атты республикалық ғылыми-практикалық конференциясы өтті. Университет әкімшілігі ұйымдастырған осынау ауқымды іс-шара аясында жалпыуниверситеттік көрме ұйымдастырылып, оған «Орыс және өзбек тілдері» кафедрасы ерекше дайындықпен қатысты.

Кафедра ұжымы мен студенттері экспозицияға өздерінің ғылыми жетістіктерін, оқу-әдістемелік еңбектерін және шығармашылық жобаларын ұсынды. Оқытушылар мен білім алушылардың бірлескен жұмысы конференция қонақтарының үлкен қызығушылығын тудырып, кафедраның жоғары ғылыми әлеуетін тағы бір мәрте паш етті.

Салтанатты ашылу рәсімі мен пленарлық мәжілістен кейін конференция жұмысы секциялық мәжілістер форматында жалғасты. Оған Әлем тілдері институтының студенттері, сондай-ақ «Әлем тілдері», «Қазақ тілі» және «Орыс және өзбек тілдері» кафедраларының өкілдері белсене қатысты.

Секция жұмысы барысында жас зерттеушілер лингвистика, әдебиеттану және тілдерді оқыту әдістемесінің өзекті мәселелері бойынша баяндамалар жасады. Әртүрлі кафедра студенттері арасындағы қызу пікірталас пен тәжірибе алмасу мәдениетаралық және ғылыми іс-қимылдың маңыздылығын айқындай түсті. Конференция қорытындысы бойынша үздік жұмыс авторлары заманауи ғылымның дамуына қосқан үлесі үшін дипломдармен және алғыс хаттармен марапатталды.