«Филология және гуманитарлық білім» факультеті

«Филология және гуманитарлық білім» факультеті 1998 жылы «Сырдария» университетінің құрылымдық бөлімдердің ішінде ең алғашқылардың бірі болып құрылды. Заман талабына байланысты факультет 2009 жылы «Филология және психология» факультеті деп аталды, 2010-2011 оқу жылы «Гуманитарлық білім» факультеті деп аталып келіп, ал 2019 жылдың қыркүйек айынан бастап «Филология және гуманитарлық білім» болып өзгертілді. Қазіргі таңда факультетте жоғары білікті 70 профессор-оқытушы құрамы студенттерге білім беруде: 4 ғылым докторы, профессор, 33 ғылым кандидаты, доцент, 2 PhD докторы, 25 ғылым магистрі, 6 аға оқытушы жұмыс істейді. Профессор-оқытушылар қоғамдық өмірдің қайнаған ортасында өздерінің жаңа шығармашылық ізденістерімен көрінуде. Олар оқытудың жаңа бағдарламасын, қазіргі заманғы әдістерін игеріп, ғылыми жобаларды жүзеге асырып, жыл сайын оқу, оқу-әдістемелік құралдарын, монографияларын баспадан шығарып, ғылыми-зерттеу мақалаларын түрлі басылым берттерінде жариялап келеді.