AQYL TECH / IT AIEL SHYMKENT 2026 КОНФЕРЕНЦИЯСЫ ӨТТІ

2026-03-26

Медиатека / Жаңалықтар / AQYL TECH / IT AIEL SHYMKENT 2026 КОНФЕРЕНЦИЯСЫ ӨТТІ

2026 жылғы 26 наурызда Tashenev University базасында AQYL TECH / IT AIEL SHYMKENT 2026 конференция-воркшопы өтті. Іс-шара жасанды интеллект, цифрландыру және адами капиталды дамыту бағыттарындағы өзекті мәселелерді талқылауға арналған кәсіби алаңға айналды.

Конференцияға мемлекеттік органдардың өкілдері, сарапшылар, IT-сала мамандары, кәсіпкерлер, стартап негізін қалаушылар және студенттер қатысып, технологиялық трансформация жағдайындағы білім беру жүйесінің жаңа моделін қалыптастыру мәселелерін талқылады.

«Жасанды интеллектті дамыту – жоғары білім беру жүйесінің стратегиялық басымдығы. Мұндай алаңдар білім мен өндіріс арасындағы байланысты күшейтіп, жаңа буын мамандарын даярлауға мүмкіндік береді», – атап өтті ҚР Ғылым және жоғары білім вице-министрі Динара Щеглова.

Конференцияның мазмұндық бөлімі келесі негізгі тректерді қамтыды:

• жасанды интеллектті білім беру бағдарламаларына интеграциялау

• цифрлық экономикаға қажетті құзыреттерді қалыптастыру

• стартап-экожүйені дамыту және технологиялық кәсіпкерлікті қолдау

• EdTech және инновациялық оқыту модельдері

• әйелдердің IT саласындағы рөлін арттыру

Спикерлер қатарында:

• Оңалбай Аяшев

• Динара Щеглова

• Алия Оспанова

• Ирина Ефимова

• Тимур Козыкеев

• Галия Оразалиева

• Меруерт Қуанышбекқызы

• Мадина Иманбердиева

• Шохноза Халметова

• Лаура Асылбек

• Наталья Абрамова

Воркшоп барысында қатысушылар нақты кейстерді талдап, тәжірибелік сессияларға қатысты, сондай-ақ өз идеялары мен жобаларын ұсынды. Интерактивті формат пікір алмасуды жандандырып, практикалық шешімдерді қалыптастыруға мүмкіндік берді.

Іс-шара қорытындысы бойынша:

• білім беру мен бизнес арасындағы серіктестікті дамытуға бағытталған ұсыныстар әзірленді

• студенттер мен жас мамандарды технологиялық жобаларға тарту тетіктері талқыланды

• бірлескен бастамалар мен жобаларды іске асыру бойынша келісімдерге қол жеткізілді

AQYL TECH / IT AIEL SHYMKENT 2026 – өңірде цифрлық экожүйені дамытуға, инновацияларды ілгерілетуге және бәсекеге қабілетті кадрларды даярлауға бағытталған маңызды қадам болды.