Күні кеше Өзбекстан мемлекеттік хореография академиясының ректоры профессор Шухрат Махмутович Тохтасимов және ол кісі басқарған оқу ордадан профессор, филология ғылымдарының докторы, Қазақстан халқы Ассамблеясының Өзбекстандағы «Достық елшісі» Х.Хамроевалар Жұмабек Тәшенев атындағы университетіне іссапармен келді.

Ф.ғ.к. Ж.Н.Ботабаеваның ашық сабағына қатыстым. "Әдебиеттануға кіріспе" пәнінен орыс тілі мен әдебиеті мамандығының 1 - курс студенттеріне қажетті мағлұматтар мен көрнекіліктің заманауи үлгісін пайдаланған дәріс болды. Шәкірттер "Әдебиеттегі тек, жанр, жанрлық түрлер" тақырыбын жан-жақты меңгеруге мүмкіндік алды. Ашық сабаққа қатысқан оқытушыларға үлгі боларлық деңгейде өтті.

2023 жылдың 17 қазанында Жұмабек Тәшенев атындағы университеті мен ҚР Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің ұйымдастыруымен «Адалдық ардың ісі» тақырыбында 1-3 курс студенттеріне дәріс өтті. Университеттің әлеуметтік мәселелер және тәрбие жұмыстары жөніндегі проректоры Ғалымжан Шәмшідінұлы Битұрсын ұйымдастырылып отырған дәрістің мақсатымен таныстырып өтті.

Жұмабек Тәшенев атындағы университеті "Өнер және саз" факультетінің деканы Ұлжамал Қонақбаева мен факультет доценті Бөрі Иса оқу ордасының 25 жылдық мерейтойының дайындық барысын, іс-шаралар жоспарын пысықтады.
Білім алушыларға арналған дәрістер жайлы сөз қозғады. Факультет оқытушылары өзара пікір алмасып, жүйелі жұмыстың жоспарын түзді.
 

Шымкент қалалық Жайдарман ойындарының 2023 жылғы маусымашар ойынында Тәшенев университетінің намысын қорғап "Байтұрсынова 79/1" командасы өнер көрсетті.
Команда 1/4 ширек ойындарына жолдама алды. Университетіміздің Жастар саясаты бөлімінің басшысы Әбжан Тұрсынбекұлы ширек ойындарға жолдама алған жігіттерге барынша қолдау білдіріп, алдағы ойындарға сәттілік тіледі.
 

«Экономика және құқық» кафедрасы 2023 жылдың 10 қазан күні сағат 1030-да Акт залында Қазақстан Республикасының Президенті Қасым-жомарт Кемелұлы Тоқаевтың 2023 жылғы  1 қыркүйектегі Жолдауын «Әділетті Қазақстанның экономикалық бағдары» атты іс-шара студенттер мен және професессорлық-оқытушылар құрамымен   өткіздік.

«Бастауыш білім және өнер» факультетінің 1 курс студенттері университет ректоры ҚР ҰИА корр. мүшесі, т.ғ.к., доцент Қ.С. Байболов және Оқу әдістемелік ісі жөніндегі проректор П.Т. Байнеевамен кездесті. Кездесу барысында 1 курс студенттерімен ашық диалог форматында студенттік өмірдің маңызы, білім алудың инемен құдық қазғандай қиын екендігі және студент жастардың білім алу үшін барлық күш-жігерлерін салу керектігі туралы айтылды.
Сонымен қатар университет басшысы ішкі тәртіп ережелерін, академиялық адалдық саясатын егжей-тегжейлі түсіндіріп өтті.