Жазғы сессия: академиялық адалдықты қамтамасыз ету жұмыстары жүргізілуде

Жұмабек Тәшенов атындағы университетте жазғы емтихан сессиясы жалғасуда, ол 12 мамыр мен 27 маусым аралығында 1–4 курс студенттері үшін өткізіледі. Барлық курстар бойынша емтихандар Platonus платформасы арқылы электронды форматта, заманауи прокторинг құралдары, бейнебақылау және әділдікті автоматты түрде қадағалау жүйесі арқылы өтуде.
Жоғары оқу орындарында академиялық адалдықты қамтамасыз ету және сыбайлас жемқорлықтың алдын алу мақсатында өткізілетін республикалық «Таза сессия» акциясы аясында бүгін университетте емтихан процесінің ұйымдастырылуына мониторинг жүргізілді.
Акцияның басты мақсаты — университеттерде сыбайлас жемқорлыққа мүлдем төзбеу мәдениетін қалыптастыру, емтихандарды әділ және ашық түрде өткізу, сондай-ақ студенттердің білімін объективті бағалауға тең қолжетімділігін қамтамасыз ету.

Мониторинг тобының құрамына кірді:
• әлеуметтік-мәдени даму жөніндегі проректор Ғалымжан Битұрсын (комиссия төрағасы),
• факультет декандары,
• Шымкент қаласының студенттік омбудсмені Тимур Қазьмин,
• журналистер,
• студенттік өзін-өзі басқару ұйымының өкілдері,
• және тіркеу офисінің қызметкерлері.

Комиссия бірнеше емтихан аудиториясын аралап, келесілерге көз жеткізді:
• Барлық кабинеттер бейнебақылау камераларымен жабдықталған;
• Компьютерлер көшіру мүмкіндігін болдырмайтын прокторинг жүйесімен қорғалған;
• Процесті тіркеу офисі бақылайды;
• Студенттердің құқықтары мен кері байланыс арналары туралы ақпарат әр аудитория мен деканат жанында орналастырылған.

Ғалымжан Битұрсын, проректор, комиссия төрағасы:
«Біз университетте әрбір студент емтиханды адал әрі сабырлы тапсыра алатын орта қалыптастырып жатырмыз. „Таза сессия“ — бұл тек әкімшілік емес, студенттердің де қатысуымен жүзеге асатын үлкен жүйелі жұмыстың бір бөлігі. Біздің мақсатымыз — барлығына тең және әділ жағдай жасау.»

Студенттерге екі тегін тапсыру мүмкіндігі беріледі — негізгі және бір рет қайта тапсыру. Бұл студенттерге қысымды азайтуға, артық күйзелістен сақтануға және нәтижелердің объективтілігін арттыруға мүмкіндік береді.

Тимур Казьмин, Шымкент қаласының студенттік омбудсмені:
«Басты мақсат — әр студент өз білімі әділ бағаланатынына сенімді болуы керек. Егер қандай да бір бұзушылық орын алса, ол еркін түрде құқықтық көмекке жүгіне алады. Бүгін университет ашықтық, әділдік және адал қарым-қатынас орнатуға дайын екенін көрсетті.»
Сыбайлас жемқорлық, рәсімдердің бұзылуы немесе қысым көрсету бойынша шағымдар, өтініштер мен ұсыныстарды:
• университеттің ресми ресурстары арқылы,
• немесе студенттік омбудсменге жеке түрде — байланыс мәліметтері кампуста және Platonus жүйесінде орналастырылған.
«Таза сессия» акциясы еліміздің барлық жоғары оқу орындарында Сыбайлас жемқорлыққа қарсы іс-қимыл агенттігінің қолдауымен жүзеге асырылуда. Бұл бастама студенттік ортада ұзақ мерзімді сыбайлас жемқорлыққа қарсы мәдениетті қалыптастыруға бағытталған. Жұмабек Тәшенов атындағы университет бұл қозғалыстың белсенді қатысушысы ретінде ашықтық, әділдік және адалдық қағидаттарын енгізуді жалғастыруда.