"Тұман" кітабымен танысу

Ж.А.Тәшенев атындағы университеттің "Тілдер және әдебиет" кафедрасының оқытушылары студенттермен бірлесе отырып,  облысымыздағы белгілі жазушы Захардин Қыстаубаевтың жаңа туындысы "Тұман" кітабымен танысу басқосуын өткізді. Жазушы бұл кітабының аты неге осылай қойылғаны, ондағы оқиғалар легі жайында тұтас ойының желісін үзбей, әңгімесінің өзегін сақтап,  тыңдармандарға тағылым боларлық тұщымды тұжырымдарын жеткізді. Қойылған сұрақтар барысында қазіргі қоғамдағы адамдардың әлі де тұманнан айыға алмай жүргенін жазушы астарлап жеткізді. Басқосу соңында кафедра меңгерушісі ф.ғ.к. жазушы Зылиқа Тұрарқызы жазушыға студенттер мен оқытушылар атынан алғыс білдіріп, шығармашылық шабыт тіледі.