Мерекелік күн – ғажайып сәттен бастау алды

Жыл сайын өткізілетін мерекелік іс-шараның биылғы көрінісі айрықша сипатта болып өтті. Университеттің бас ғимаратында Жастар бөлімі және бір топ белсенді студенттер профессор-оқытушылар мен студент-жастарды мерекелік көңіл-күйде қарсы алды.

Мерекелік қарсы алу ары қарай көңілді іс-шараға ұласты. Іс-шара барысында Жастар бөлімі жанынан құрылған "Серілер" тобы КВН командасының әзілге толы қойылымдары, флешмоб биі баршаға көтеріңкі көңіл-күй сыйлады. Белсенді ару қыздарға арнап құқ-18 тобының студенті Ә.Ғани "16 қыз" атты керемет ән шырқады.

Жастар бөлімінің маманы Е.Ермекбай құттықтау сөз сөйлеп, нәзік жандыларға арнап шығарған өз арнауын тарту етті. Көңілді кеш - жастар коворкинг орталығында мерекелік дастарханға ұласты.