Әлемнің асылы – сұлулар

Бүгін университеттің "Биология" кафедрасы мен мамандық студенттері көктемнің алғашқы күндерімен ілесе келген АРУЛАР күнін атап өтті.

Мамандық студенттері белсене қатысқан концерттік шара барысында Г.Сәрсенбаева "Сол жағым сыздайды" монологын оқып, А.Сағындық "Әйел бақыты", Б.Азатбай "Қайда, қайда", "Қазақ қыздары" әндерін орындады. Мың бұрала билеген арулар ұлттық және заманауи шетелдік билерді нақышына келтірсе, мамандық жігіттері әзіл-қалжыңға толы көріністерімен, ойындарымен көрерменге мерекелік көңіл-күй тарту етті.

Салатанатты кеш соңы "Сырдария" тобының "Жүрегім" әнімен аяқталды.

Өскелең ұрпақтың үлкенге, нәзік жандыларға деген айрықша құрметі бұдан кейін жалғасатыны сөзсіз.