"Назерке" би тобына – 5 жыл

"Сырдария" университетінің "Назерке" би тобының мерейтойлық концерті көрермендер үшін нағыз мерекеге айналды. Бишілер 2019 жылдың 26 сәуір күні сахнада университетіміздің өнерлі жігіттерінен құралған "Серілер" би тобымен бірге бар шеберліктері мен өнерпаздықтарын көрсетті. "Назеркенің" талантты музыкалық қойылымдары әртүрлі бағыттарда түрлі репертуарлармен көрермендерге танымал болып келген. Бүгін жиналғандар назарына ұлттық билер мен әсерлі жастар ырғақтарындағы нөмірлер қойылды. Айта кетейік, қазіргі кезде "Назерке" би тобында Ақбердива Айман жетекшілік етеді.

Университет басшылығы "Назерке" би тобын мерейтойымен шын жүректен құттықтай отырып, топ мүшелеріне арнайы алғыс хат беріп, бір айлық көлемінде ақшалай сыйлықпен марапаттады.